Seoladh Curaclam Matamaitice na Bunscoile nua

Tar éis seoladh Chreatchuraclam na Bunscoile i mí an Mhárta i mbliana, táthar anois tar éis an Churaclaim Matamaitice Bunscoile nua a fhoilsiú. Leagtar amach fís úrnua ann d’fhoghlaim páistí a bhfuil spraíúlacht, cruthaitheacht, dúshlán, dul sa seans agus réiteach fadhbanna mar shainghnéithe de. Cuireann sé cruth ar chur chuige cuimsitheach páiste-lárnach i leith na foghlama, an teagaisc agus an mheasúnaithe le béim ar chur chuige tarraingteach agus spraíúil ó thaobh na foghlama matamaitice de.

Chun tacú le múinteoirí an curaclam nua a chur i bhfeidhm, forbraíodh Uirlisí Úsáide Matamaitice na Bunscoile agus tá réimse tacaíochtaí ann, lena n-áirítear coincheapa matamaitice, contanaim dul chun cinn agus ábhair thacaíochta. Leanfar ar aghaidh ag déanamh nuashonrú ar na huirlisí úsáide sna míonna amach romhainn. Is féidir rochtain a fháil ar an gcuraclam nua, mar aon le hUirlisí Úsáide Matamaitice na Bunscoile ar https://www.curriculumonline.ie/Primary/?lang=ga-ie.

Le linn na scoilbhliana 2023/2024, déanfaidh ceannairí scoile agus múinteoirí an curaclam nua a iniúchadh agus rachaidh siad i dtaithí air. Cuirfidh Oide agus CNOS réimse tacaíochtaí aghaidh ar aghaidh chomh maith le tacaíochtaí ar líne ar fáil do scoileanna chun an Curaclam Matamaitice na Bunscoile a thabhairt isteach, a chur i bhfeidhm agus a leabú. Is féidir tuilleadh sonraí faoin tacaíocht seo a fháil ag Ciorclán 0039/2023.

Tá taighde, comhairliúchán, plé agus obair a dhéanamh i ndlúthchomhar le múinteoirí, tuismitheoirí agus páistí mar bhonn agus mar thaca ag forbairt an churaclaim. Chun tuilleadh eolais a fháil ar an gcaoi ar forbraíodh an curaclam, tabhair cuairt ar https://ncca.ie/ga/bunscoil/.