Gearrchúrsaí a dhear gníomhaireachtaí seachtracha

Tá sé mar aidhm ag an gcúrsa cur chuige atá dírithe ar an Afraic a chur ar fáil chun staidéar a dhéanamh ar stair, ar shaol sóisialta, ar chultúr agus ar thíreolaíocht na dtíortha ar mhór-roinn na hAfraice. Tá sé mar aidhm ag an gcúrsa seo tuiscint agus eolas na mac léinn ar an Afraic a dhoimhniú, dúshlán a thabhairt do steiréitíopaí diúltacha agus míthuiscintí as dáta faoin mór-roinn. Le heolas nua agus smaointe nua, beidh sé de chumhacht ag na mic léinn scéalta nua a insint agus mar sin, b'fhéidir an scéal faoin Afraic a athrú.

Is é is aidhm d’Eastát Bhán an Aeir daoine a chumasú agus a spreagadh le roghanna bia níos fearr a dhéanamh, roghanna a bheadh níos fearr dá sláinte, níos fearr dá sparán agus níos fearr don chomhshaol. Trí pháirt a ghlacadh sa chúrsa seo, beidh an scoláire ag plé le bia agus lena tháirgeadh ón gcré go dtí a thomhaltas, agus cleachtais talmhaíochta, ghnó agus chócaireachta ag baint leis. Forbraíodh é de réir theimpléid agus threoirlínte CNCM.

Gearrchúrsa don Teastas Sóisearach – Eastát Bhán an Aeir

Is é is aidhm leis an ngearrchúrsa seo ar an Liotuáinis mar Theanga Oidhreachta leibhéil inniúlachta an scoláire sa Liotuáinis a choinneáil agus a fhorbairt mar aon lena eolas ar litríocht agus cultúr na Liotuáine d’fhonn a scileanna litearthachta a dhaingniú agus a neartú agus chun é a dhéanamh níos féinfheasaí mar fhoghlaimeoir. Forbraíodh an gearrchúrsa de réir theimpléid agus threoirlínte CNCM.

• Gearrchúrsa ar an Liotuáinis mar Theanga Oidhreachta

Is é is aidhm leis an nGearrchúrsa ar an bPolainnis mar Theanga Oidhreachta leibhéil inniúlachta an scoláire a choinneáil agus a fhorbairt sa Pholainnis, an t-idirspleáchas idir teanga agus cultúr a fhiosrú agus chun meas ar chultúr, traidisiúin agus luachanna a theanga oidhreachta a chothú. Tá sé de chuspóir ag an gcúrsa scileanna litearthachta an scoláire a dhaingniú agus a neartú agus é a dhéanamh níos féinfheasaí mar fhoghlaimeoir freisin. Forbraíodh an gearrchúrsa de réir theimpléid agus threoirlínte CNCM.

• Sonraíocht don Ghearrchúrsa ar an bPolainnis mar Theanga Oidhreachta

Is é is aidhm leis an gcúrsa seo go bhforbróidh an scoláire inniúlacht teanga sa Rúisis atá cothrom le leibhéal A1 (An Fráma Tagartha Comónta Eorpach [FTCE]. Tá sé de chuspóir ag an gcúrsa go bhforbróidh an scoláire feasacht teanga agus feasacht idirchultúrtha mar aon le scileanna litearthachta digiteacha. Forbraíodh an gearrchúrsa de réir theimpléid agus threoirlínte CNCM.

• Gearrchúrsa na Sraithe Sóisearaí ar an Rúisis agus Cultúr na Rúise

Is é is aidhm leis an gcúrsa seo go bhforbróidh an scoláire inniúlacht teanga sa tSeapáinis atá cothrom le leibhéal A1 (An Fráma Tagartha Comónta Eorpach [FTCE]. Tá sé de chuspóir ag an gcúrsa go bhforbróidh an scoláire feasacht teanga agus feasacht idirchultúrtha mar aon le scileanna litearthachta digiteacha. Forbraíodh an gearrchúrsa de réir theimpléid agus threoirlínte CNCM.

• Gearrchúrsa na Sraithe Sóisearaí ar an tSeapáinis agus Cultúr na Seapáine