Léirithe Spéise ó mhúinteoirí Corpoideachais na Sraithe Sóisearaí
Fáiltíonn CNCM roimh léirithe spéise ó mhúinteoirí Corpoideachais na Sraithe Sóisearaí iar-bhunscoile ar mhaith leo a bheith páirteach i Líonra Chorpoidachais.
Tá sonraíocht nua Corpoideachais 135 uair an chloig don tSraith Shóisearach á tabhairt isteach do dhaltaí na chéad bhliana i Meán Fómhair 2023. Tá Líonra Corpoideachais na Sraithe Sóisearaí á thionól ag an gComhairle Náisiúnta Curaclaim agus Measúnachta (CNCM). Is é cuspóir an líonra seo léargas a fháil ar achtú na sonraíochta nua ar fud na n-iar-bhunscoileanna. Tá béim ar leith ar mheasúnú in Corpoideachais, pleanáil don teagasc agus don fhoghlaim, agus samplaí cleachtais a bhailiú.
Beidh 6 - 8 scoil ar an líonra. Iarrfar ar scoileanna gealltanas a thabhairt go mbeidh siad páirteach ar feadh trí bliana. Beidh an t-aiseolas ón líonra mar bhonn eolais do chur i bhfeidhm Corpoideachais na Sraithe Sóisearaí.
Is mór againn an luach agus an tábhacht a bhaineann le bheith ag obair go díreach le scoileanna chun tuairimí daltaí, múinteoirí agus ceannairí scoile a chloisteáil.
Má tá suim agat páirt a ghlacadh san obair seo, comhlánaigh an fhoirm léirithe spéise seo roimh 5 p.m. Dé hAoine 29 Meán Fómhair.
Déantar iniúchadh sa pháipéar cúlra agus sa tuarascáil chomhairliúcháin do Chorpoideachas na Sraithe Sóisearaí ar fhorbairt an ábhair sa tsraith shóisearach; leagtar béim ar dhea-chleachtas sa bhaile agus thar lear; agus úsáidtear taighde bunaithe ar fhianaise mar bhonn agus mar thaca d’athbhreithniú na sonraíochta.
Doiciméad Eolais agus Treoir don Athbhreithniú ar Chorpoideachas na Sraithe Sóisearaí